'இதற்காகத்தானே ஆசைப்பட்டாய் பாலகுமாரா' ஓடாது..!

                               நேற்று ஒரு நண்பருடன் அளவளாவிக் கொண்டிருந்த போது அவர் சொன்னார் "'இதற்காகத்தானே ஆசைப்பட்டாய் பாலகுமாரா' ஓடுறது கஷ்டம். " "ஏன் பாஸ்" " அது பாலகுமாரனோட ஒரு நாவல் பேரு. நாவலில் இருந்து எடுத்த பெயரை படத்துக்கு வச்சா எப்படி ஓடும்". "பாஸ்.. இந்த லாஜிக் சரின்னா சூது கவ்வும் கூட மஹாபாரதத்தில் இருந்து தானே எடுக்கப் பட்டது. சரியா ஓடலியா?" -இது நான்.

                               

                                 படம் ஓடுவதற்கும் ஓடாததற்கும் படத்தின் பெயர் நிச்சயம் காரணமாக இருக்க முடியாது என்று நம்புபவன் நான். படத்தின் கதை, திரைக்கதை சொன்ன விதம், நல்ல பாடல்கள் இருந்த போதும் அது படத்திற்கு தேவையான இடத்தில் வந்தால் மட்டுமே படத்தின் வெற்றிக்கு அது உதவும். (உதாரணம்: ரிதம்) நல்ல இசை. நடிகர்களின் சிறப்பான நடிப்பு, இவை எல்லாவற்றையும் விட இயக்குனரின் ஆளுமைத் திறன்.வயதிற்கும் இதற்கும் சம்பந்தமில்லை என்று நிரூபித்த ராஜா ராணி படத்தின்  இயக்குனர் அட்லீ. (இட்லி சைஸ் இருந்துகிட்டு இந்தப் பையன் பின்னி எடுத்திருக்காப்புல.)

                                 நம்ம ஊர் பாட்டி கதைகளை வச்சே பெரும்பாலான ஹாலிவுட் படங்களை எடுத்த நம்ம மனோஜ் நைட் ஷ்யாமளன் கூட அப்படிப்பட்ட ஒரு இயக்குனர் தான். நாளை வெளியாகவிருக்கும்  'இதற்காகத்தானே ஆசைப்பட்டாய் பாலகுமாரா' படத்தின் முக்கிய ஹைலைட் கொஞ்ச நாள் முன்னால வெளிவந்த "Prayer Song" தாங்க.. தன்னை விட்டுச் சென்ற காதலிக்காய் எழுதப்பட்ட அந்த பாட்டு எல்லோருடைய மனதையும் கொள்ளையடித்தது. (குறிப்பாக இளைஞர்களை)  தவிர வளர்ந்து வரும் நடிகர் விஜய் சேதுபதி நடித்திருக்கும் படம். படம் எப்படி இருக்குன்னு நாளைக்கு தெரிஞ்சிடும். இப்போ அந்த  ப்ரேயர் சாங் பார்ப்போமா??

                         ******************************************************