பதிவர் சீனுவை கண்டித்து..

                         

                                இன்று செப் 8, 2013 ஞாயிற்றுக் கிழமை  சுமார் பன்னிரெண்டரை மணிக்கு பதிவுலகின் "காதல் மன்னன்",  பரங்கியர்களின் "கனல் கண்ணன்",  "கிதார் சாம்ராட்", இளவட்டங்களை கிறங்கடிக்கும் "புன்னகை இளவல்" என்றெல்லாம் மக்களால் செல்லமாக அழைக்கப்பட்ட ஒரு நட்சத்திர பதிவர் எங்கள் தங்கத் தலைவி "செல்வி. நஸ்ரியா" வை "மொக்க" எனும் தகாத வார்த்தையால் வசைபாடியதைக்  கண்டித்து "அகில உலக நஸ்ரியா மன்றம்" சார்பில் பலத்த கண்டனக் குரல் எழுப்பப் படுகிறது.

நாட்டியான பிகர் எனக்கு,
தாட்டியான பிகர் உனக்கு..

என்று இதுநாள் வரையில் சண்டையில்லாமல் வாழ்ந்திருந்தோமே,

போன்லெஸ் எனக்கு,
லெக் பீஸ் உனக்கு..

என்று பிரச்சனையில்லாமல் பிரித்துக் கொண்டோமே?


அவற்றையெல்லாம் ஒரு கனாக் காலமாக மாற்றிவிட்டு இன்று கட்டி வைத்த கன்னுக்குட்டி கூட பொறுத்துக் கொள்ள முடியாத ஒரு வார்த்தையால் வளர்ந்து வரும் ஒரு 'வாலிபியை' அவதூறாக பேசிய அன்னாரைக் கண்டித்து இன்று இரவு ஒன்பது மணி முதல் நாளைக் காலை எட்டு மணி வரை உண்ணாவிரதமும், கண்விழியாப் போராட்டமும் நடத்தப்படும் என தெரிவித்துக் கொள்கிறோம். பொதுமக்களும் இதில் பங்கு கொண்டு ஆதரவுக் கரம் நீட்டுமாறு வேண்டி விரும்பி கேட்டுக் "கொல்லு"கிறோம்!!