அஜித்-விஜய் மோதல்!!

                   திரை உலகை பொறுத்தவரை வெளியே நண்பர்களாக பழகினாலும் உள்ளே ஒரு போட்டி, பொறாமை எப்போதுமே இருந்து கொண்டுதான் இருக்கும். ஒவ்வொரு தலைமுறையிலும் இதுபோன்ற போட்டி தொடர்ந்து கொண்டே தான் வந்திருக்கிறது. எம்ஜியார்-சிவாஜி, ரஜினி-கமல் தாண்டி இப்போது அஜித்-விஜய் இருவருக்குமான போட்டி இன்று உச்சகட்ட நிலையை அடைந்துள்ளது.

                   வரும் பொங்கல் திருநாள் அன்று அஜித் நடித்த "வீரம்" திரைப்படம் வெளியாகும் என்று அறிவிக்கப்பட்ட சில தினங்களிலேயே விஜய் மோகன்லால் இணைந்து நடிக்கும் "ஜில்லா" படமும் அதே நாளில் வெளியாகும் என அறிவிப்பு வெளியாகியிருக்கிறது. வீரம் திரைப்படம் பொங்கலுக்கு வெளியிடுவது என ஆரம்பம் பட வெளியீட்டிற்கு முன்னரே தீர்மானிக்கப் பட்ட ஒன்று. இப்போது சூப்பர் குட் பிலிம்ஸ் அதே தினத்தில் வெளியிடுவது சர்ச்சையை கிளப்பியுள்ளது.

                       ஆரம்பம் படத்தின் அட்டகாசமான வெற்றிக்கு பின் கம்பீரத்துடன் பெயருக்கேற்றார் போல் களமிறங்குகிறது "வீரம்". இப்படத்தின் டிரைலர் மக்களால் பெரிதும் ரசிக்கப்பட்டது எல்லோரும் அறிந்ததே.தலைவா சுமாராக ஓடிய போதும், மோகன்லால் உடன் நடித்திருப்பதால் ஜில்லா படத்திற்கும் மிகுந்த எதிர்பார்ப்பு இருக்கிறது. ஆகையால் வரும் பொங்கலுக்கு மக்களுக்கு சுவையான பொங்கலாக இருக்குமென்று தெரிகிறது.

                      திரையில் போட்டியும் பொறாமையும் நிறைந்திருந்த போதும் அஜித் மற்றும் விஜய் வெளியில் நல்ல நண்பர்களாகவே இருக்கின்றனர். அவ்வப்போது குடும்பத்துடன் சந்தித்துக்கொண்டும், மகிழ்ச்சியான நேரங்களை பகிர்ந்துகொண்டும் தான் இருக்கின்றனர். ஆகையால் இரு படங்களும் வெற்றிபெற ஆவிடாக்கீஸ் சார்பில் வாழ்த்துகிறோம்.