ஆவி டாக்கீஸ் - வேலை இல்லா பட்டதாரி (Music Review)

                               
                தனுஷ் திரையுலகில் கால் செஞ்சுரி அடிக்கும் படம்..  "3" படத்திற்கு பிறகு தனுஷ்- அனிருத் காம்பினேஷனில் வந்திருக்கும் படம்.. Wunderbar Studio வெளியிட்டிருக்கும் இந்த ஆல்பத்தில் "Poetu" தனுஷே எல்லாப் பாடல்களையும் எழுதி இருப்பது குறிப்பிடத்தக்கது..

              1. "வேலையில்லா பட்டதாரி"  - அனிருத் மற்றும் அகிலன் இளங்கோவனின் குரல்களில் ஒலிக்கும் தீம் சாங், இப்படத்தின் டீசரில் இடம் பெற்றிருந்த இந்தப் பாடல் நல்ல வரவேற்பை பெற்றது..

              2.  அனிருத் மற்றும் நூர் அஸ்வான் இணைந்து பாடியிருக்கும் சோகம் ப்ளஸ் குத்து "ஊதுங்கடா சங்கு" பாடல். இடையிடையே வணக்கம் சென்னை வாடை அடிக்கிறது. "Poetu" தனுஷுன் தத்துவப் பாடல் லிஸ்ட்டில் மற்றுமொரு பாட்டு.

              3. "ஏய், இங்க பாரு" பாடல் பூமி என்ன சுத்துது பாடல் போலவே இருப்பதற்கு காரணம் அனிருத்தின் குரலா, இல்லை இசையா தெரியவில்லை.ரிப்பீட்டு!!  படத்துடன் பார்க்கும் போது பிடிக்கலாம்.

              4. "போ இன்று நீயாக" - மனதை மெஸ்மரைஸ் செய்யும் மெலடி வகையறா.. தான் எழுதிய காதல் ததும்பும் பாடலை தானே அனுபவித்துப் பாடியிருக்கிறார் பாடகர் தனுஷ். தன் சொந்த பேனர்களை தாண்டி மற்ற படங்களிலும் தாராளமாக பாடலாம்.

              5. "அம்மா அம்மா" - தாயின் பிரிவை நினைத்து வருந்திப் பாடும் பாடலை உருகி உருகி பாடியிருக்கிறார் தனுஷ். நீண்ட இடைவெளிக்கு பின் எஸ்.ஜானகி பாடியிருக்கும் இந்தப் பாடல் இதயத்தின்  ஈரத்தை வழியச் செய்யும். தாய்-மகன் பாசத்தின் பேர் சொல்லும் பாடல்கள் வரிசையில் இதுவும் இருக்கும்.

             
                           சில பாடல்கள் எதிர்நீச்சல், வணக்கம் சென்னை மெட்டை நினைவு படுத்துவது சலிப்பை ஏற்படுத்துகிறது. சொந்த தயாரிப்பு என்ற போதும் ஓரிரு பாடல்களை  வளரும் கவிஞர்களுக்கு வாய்ப்பாய்  கொடுக்கலாமே!! மொத்தத்தில் வேலையில்லா பட்டதாரி  சில பாடல்களில் அரியர் வைத்து பாஸ் செய்கிறார்..!!