தலைநகரம்..

 தலைநகரம்..

செல்வம் தழைத்திடும் ஒரு ஊராம்,

தலைநகரம் என்றதற்கு ஒரு பேராம்..

வித்தகர்கள் பலரும் அங்கு ஒன்று கூடி- போட்டிடும் 

திட்டங்கள் வந்திடும் மக்களை நாடி..

வானிடிக்கும் கட்டிடங்கள், நாற்கர சாலைகள்,

வண்ண வண்ண விளக்குகள், கம்பத்தின் கீழ் ஏழைகள்..

உலகக் கோப்பைகள் நடந்திடும் இவ்விடத்தில்,

உலக வறுமைப் பட்டியலிலும் முதலிடத்தில்..

காவல்துறை ஒரு சிறப்பாம் நம் நாட்டில்-  பாலியில் 

கொடுமைகள் பற்றி வந்திடுதே தினம் ஏட்டில்..

தலைமுறைகள் தாங்கும்படி ஏற்கனவே- சேர்த்திட்ட 

சொத்துக்களால் பணத்தின் நிறம் ஆனது பார் கறுப்பெனவே..

அரசியலால் ஆதாயம் மக்களுக்கே-அரசாள்வோர் 

வாரிசுகளாய் பெற்றிட்ட அவர் மக்களுக்கே..

செல்வம் தழைத்திடும் ஒரு ஊராம்,

தலைநகரம் என்றதற்கு ஒரு பேராம்..

இந்த கவிதை "அதீதம்" மின் இதழில் வெளியாகியுள்ளது..