ஏதோ மோகம்.. ஏதோ தாகம்..

                                  டைட்டில பார்த்து பயந்துடாதீங்க.. பாடல் எழுத வேண்டும் என்பது என்  தீராத மோகம், தணியாத தாகம். இதுவரை சுமார் பனிரெண்டு பாடல்கள் எழுதியிருக்கிறேன். ( என் பாடல்களுக்கு பெரும்பாலும் நானே மெட்டமைப்பது வழக்கம். சில நேரங்களில் இளையராஜாவையும் துணைக்கு அழைத்துக் கொள்வேன்). என் பாடல்களுக்கு என் தாயார், தமக்கை மற்றும் சில நண்பர்களிடமிருந்து அங்கீகாரம் கிடைத்தது எனினும் இன்று இணையத்தில் என் மதிப்பிற்கும் பாசத்துக்கும் உரிய பதிவுலகின் "அண்ணா " பாலகணேஷ் அவர்கள் நான் பதிவர் திருவிழாவுக்காக எழுதிய பாடலை அவருடைய மின்னல் வரிகள் வலையில் பிரசுரிக்க எனக்கோ ஒரே பாராட்டு மழை. இதுவரை நான் பழகியிராத பலரும் பாராட்டியது மகிழ்வைத் தந்தது. என் எழுத்துலக வாத்தியாருக்கு மீண்டும் என் நன்றிகளை சமர்ப்பிக்கிறேன்..

பாடலை கேட்க:

https://soundcloud.com/anandaraja-vijayaraghavan/ras3efnmtvjc

                                     மேலும் இந்த பாடலை கேட்டுவிட்டு குவைத்திலிருந்து மஞ்சுபாஷினி அக்கா போன் செய்து பாராட்டியது என்னை புளங்காகிதமடைய செய்தது. ஒரு சில திருத்தங்களை கூறி அந்தப் பாடலை மேருகேற்றியதுடன் அதைப் பாடியும் காட்ட மனம் சந்தோஷத்தில் கூத்தாடியது. இதற்கு ஒரு படி மேலே போய் நம்ம சுப்பு தாத்தா அவர்கள் அவருடைய தேன் சிந்தும் குரலில் கர்நாடக சங்கீத பாணியில் அதே பாடலை பாடியதுடன் எனக்கு வாழ்த்தும் தெரிவித்தார். சந்தோஷத்தில் திளைத்தேன், அகமகிழ்ந்தேன், பெருமிதம் கொண்டேன். 

சுப்பு தாத்தா பாடிய பாட்டு 

                                         என் பாடலை ரசித்த எல்லோருக்கும் மீண்டும் ஒருமுறை நன்றி கூறி, எல்லோரையும் பதிவர் திருவிழாவில் சந்திக்க பேராவலுடன் காத்திருக்கிறேன். 

பதிவர் சந்திப்பு பற்றி மேலும் விபரங்களுக்கு..