எனக்கு பிடித்த பாடல்-1 (கப்பலேறி போயாச்சு)

                             சில பாடல்கள் நம் மனதில் நீங்கா இடம் பிடித்திருக்கும். அப்படி என் மனதில் இடம்பிடித்த ஒரு சில பாடல்களை உங்களுடன் பகிர ஆசைப்படுகிறேன்..

                                 கப்பலேறிப் போயாச்சு, சுத்தமான ஊராச்சு கண்ணம்மா எனத் தொடங்கும் இந்தப் பாடல் இந்தியன் திரைப்படத்தில் ஆங்கிலேயர்கள் நம் நாட்டை விட்டு வெளியேறிய இரவில் நாட்டு விடுதலைக்காக தன் மனைவியை விட்டுப் பிரிந்த கணவனும், கணவனின் வருகையை எதிர்பார்த்து காத்திருக்கும் மனையாளின் உணர்ச்சிமயமான வெளிப்பாடுமே இந்தப் பாடல்.  நாடு விடுதலை அடைந்த போது அடைந்த மகிழ்ச்சியை என் தலைமுறையினருக்கு அப்படியே கண் முன் கொண்டு வந்து நிறுத்திய இந்த பாடல் என் நெஞ்சில் நீங்கா இடம் பிடித்த பாடலாகும்..