சேட்டை - திரை விமர்சனம்

         

                       ஹிந்தி டெல்லி பெல்லி தமிழ்க் கலாச்சாரத்துடன் சேட்டையாகி இருக்கிறது. கண்ணன் சார் ரீமேக்க விட்டு வெளியே வாங்க.. ஹிந்தியில் படத்தை பார்த்தவர்கள் அந்த அளவுக்கு இல்லை என்று சொல்லப்போவது உறுதி.. காரணம் அந்தப் படம் புகழ் பெற காரணமாயிருந்த சில முக்க்க்க்கிய  காட்சிகள் தமிழ் ரசிகர்களுக்கென  நீக்கியது தான்.. இருந்தாலும் குடும்பத்துடன் சென்றால் மூட்டைப் பூச்சி இல்லாவிட்டாலும் கொஞ்சம் நெளிய வேண்டி இருக்கும்..

                        சரி, கதைக்கு வருவோம்.. 'ஒல்லி பெல்லி' இலியானாவின் பெயரில் தெருவோரக் கடையில் அசுத்தமான சூழலில் விற்கப்படும் சிக்கன் லெக் பீஸை  வாங்கி உண்ணும் "காமெடி சூப்பர் ஸ்டார்" (அப்படிதான் டைட்டில்ல போடுறாங்க) சந்தானத்தின் பெல்லியில் நடக்கும் சேட்டைகளால் எப்படி சந்தானம், ஆர்யா மற்றும் பிரேம்ஜி ஒரு கடத்தல் கும்பலிடம் மாட்டிக்கொள்கிறார்கள் என்பது  தான் படத்தின் கரு.. ஹீரோ ஆர்யாவுக்கு கூட  இன்ட்ரோ சாங்கோ, அதிரடி அறிமுகமோ இல்லை.. ஆனால் சந்தானத்திற்கு எல்லாம்  உண்டு. படத்தின் பெரும்பகுதி அவரைச் சுற்றியே நடக்கிறது. ஆர்யா ரொமேன்சிற்கும், ஹீரோ வேல்யுவிற்க்கும் பயன்படுத்தப் பட்டிருக்கிறார்..

                       ஆர்யாவின் கேர்ள் பிரண்டாக ஹன்சிகா.. ஆர்யாவை ஒரு தலையாய் காதலிக்கவும், கடைசி காட்சிக்காகவும் அஞ்சலி.. போன படத்தில் குண்டா குஷ்பு மாதிரி இருந்த ஹன்சிகா சிக்குன்னு ஸ்லிம்ரன் மாதிரி ஆகிவிட்டார்..  நாசர் அதிகம் பேசாமல் அரங்கை அதிர வைக்கிறார்.. அதுவும் வைரக்கற்கள் என நினைத்து ஒரு டப்பாவை திறக்க, அதில் சந்தானத்தின் "ஸ்பெஷல் சேம்பிள்" இருப்பது கண்டு பொருமும் போது கலகல..

                       சிறிது நேரம் வந்தாலும் ஹவுஸ் ஓனர் ஆலி (தெலுங்கு காமெடியன்), ஷாயாஜி ஷிண்டே மற்றும் சித்ரா லட்சுமணன் (அவர் பேர  மங்கூஸ் மண்டயன்னே மாத்தீட்டாங்க).. ஒவ்வொருவரும் தன் பங்கை சிறப்பாக செய்திருக்கிறார்கள். கொஞ்சம் முகம் சுளிக்க வைக்கும் காமெடி என்றாலும் ரசிகர்களை கிச்சுகிச்சு மூட்ட தவறவில்லை.. அதிலும் சந்தானம் படம் நெடுக "மூக்கின் மேல்" விரல் வைக்க வைக்கிறார்..

                       தமனின் இசையில் இரண்டு பாடல்கள், பரவாயில்லை.. பின்னணி இசை இன்னும் கொஞ்சம் விறுவிறுப்பை கூட்டியிருக்கலாம்.. பிரேம்ஜிக்கு சோலோ சாங் எல்லாம் தேவையா.. (அதுக்கு சந்தானத்திற்கு கொடுத்திருக்கலாம்).. சந்தானம் கனவு காணும் முதல் பாடலுக்கு நீது சந்திரா நடனமாடியுள்ளார்.. மொத்தத்தில் கவலைகளை மறந்து சிரித்துவிட்டு வரலாம்.. சேட்டை - செம்ம ரகளை..


63 / 100