எனைக் காணவில்லையே நேற்றோடு..

விழித்ததும் வழக்கம் போல் 

தேடினேன் உன்னை..

வெறுமையை உணர்ந்து 

வேதனை அடைந்தேன்..

குளிக்கையிலும் உனைத் 

தொட முடியாமல் 

தேடித்தேடி வெதும்பியது 

வெள்ளந்தி மனது.

வாகனத்தில் செல்கையில் 

வலக்கண்ணாடியில் பார்க்கையில் 

வெற்றிடத்தை பார்த்து 

வாடியது எந்தனுள்ளம்..

நிதர்சனம் புரிகிறது- இன்று 

நீ இல்லை என்னோடு 

நிலைக் கண்ணாடியிலும் 

அழகாய்த் தெரிவது என் மொட்டை மட்டுமே..